Idioma ligur

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre la luenga ligur romance, pa atros emplegos se veiga Ligur (desambigación).

Ligur Lìgure, Zenéize
Atras denominacions:	{{{atrasdenominacions}}}
Parlau en:	Italia, Francia y Mónegue
Rechión:	Liguria
Etnia:	{{{pueblo}}}
Parladors:
Posición:	{{{clasificación}}} (Ethnologue 1996)
Filiación chenetica:	Luengas indoeuropeas  Italicas   Romances    Galoitalicas     Ligur
Estatus oficial
Oficial en:
Luenga propia de:	{{{propia}}}
Reconoixiu en:	Italia Mónegue
Regulau por:	Sin de regulación
Codigos
ISO 639-1	{{{iso1}}}
ISO 639-2	roa ("Romances, atras")
ISO 639-3	lij
SIL	lij
Extensión d'o ligur

Lo ligur^[1] ye un idioma romance de lo grupo galoitalico que se charra en la costa norueste d'Italia, Mónegue y en enclaus de Provenza. La variant chenovesa ye una de las millor conoixidas y tenió muita importancia en la baixa Edat Meya a causa de la supremacía comercial de la Republica de Chenova en las costas mediterranias occidentals.^[2]

Lo luengache ye en camín de desapareixer, pero encara lo charran muito los agüelos de la zona cheografica que ocupa, a on que i ha una población autoctona de 1.920.848 habitants.

La distribución de lo ligur por Mónegue y Provenza se debe a migracions dende Liguria. Los enclaus de Provenza son Biot y Vallauris-Valàuria, Mons y Escragnolles-Escranhòla, toz resultau de repoblacions feitas en los sieglos XV y XVI en localidaz afectadas por la peste y las guerras civils^[3]. Las parlas ligurs de Provenza son ditas en occitán figoun.

En la Val de Ròia se charra una parla de transición entre l'occitán vivaro-alpín y o ligur dita royasco, que dende lo punto de vista estructural ye sobre tot ligur, de fueras de la parla de Sospèl, que ye sobre tot vivaro-alpina.

Lo dialecto chenovés tien un articlo definiu sin l- como lo galaicoportugués y la mes gran parte de las parlas de l'aragonés.

La influencia comercial de la Republica de Chenova en la Mediterrania occidental tenió como consecuencia lingüistica que en occitán, catalán y atras luengas entrás un vocabulario d'orichen ligur ligau a l'actividat nautica y los productos comercials maritimos. Son palabras occitanas que plegoron dende lo chenovés carena, libanum, nauchier, aman,^[2] y dimpués podeban plegar dica lo catalán. Bel italianismo en aragonés como anchova, carena o churma se remontan a estos tiempos de supremacía comercial chenovesa a traviés de cadenas de transmisión de palabras entre lo ligur y lo catalán.

• Chenovés/Ligur en Ethnologue.com
• GENOVES.com.ar - Luenga y cultura de Liguria, aprender chenovés, literatura ligur con traducción, textos, fotos y más (la primera pachina bilingüe en chenovés y castellano)
• ACADÉMIA LIGÙSTICA DO BRENNO (en chenovés)
• Zeneize: Grafía Oficial y Alfabeto (en chenovés)
• A Compagna (Chenova)
• Fonolochía chenovesa (en italiano)
• Pa aprender chenovés (en italiano)