Vitus Bering

Dr Vitus Jonassen Bering (au Behring; russisch Витус Ионассен Беринг oder Иван Иванович Беринг Iwan Iwanowitsch Bering; dauft am 21. August^jul./31. August^greg. 1681^[1] z Horsens in Jütland; † 8. Dezember^jul./19. Dezember^greg. 1741 uf dr Insle Awatscha, dr Beringinsle) isch e Marineoffizier und Entdecker vo dänischer Herkumft gsi, wo in russische Dienst gstande isch. Mä het em au dr „Kolumbus vom Zar“ gsäit. Er het under anderem bewiise, ass Asie und Nordamerika nit mitenander verbunde si.

Sini Räise

1728 isch dr Bering vo Kamtschatka us dr Küste vo Sibirie nooch ins Nordpolarmeer gseeglet. 1730 isch er zrugg uf St. Petersburg und isch 1733 dr Läiter vo dr Zwäite Kamtschatka-Expedizioon worde, wo au as die Groossi Nordischi Expedizion bekannt worde isch (1733–1743). 1741 isch er bis uf Alaska choo, het sich scho bald uf d Zruggräis gmacht und isch an dr Küste vo dr Awatscha-Insle, wo mä rä spööter dr Naame Beringinsle gee het, gstrandet. Am 19. Dezämber 1741 isch er dört gstorbe, woorschinlig an Skorbut.

Litratuur

Raymond H. Fisher: Bering’s Voyages, Whither and Why, 1977.
Orcutt William Frost: Bering: The Russian Discovery of America, Pacific Northwest Quarterly 86, No. 1, Winter, 2003.
Frank A. Golder: Bering’s Voyages. An Account of the Efforts of the Russians to determine the Relation of Asia and America, 2 vols., Polar Geography and Geology 7 (July-September), 1922-1925.
V. D. Lenkov, Silantev: The Komandorskii Camp of the Bering Expedition, edited by O. W. Frost, translated by Katherine L. Arndt, American Anthropology 87, No. 4 (December), 1992.
Georg Wilhelm Steller: Reise von Kamtschatka nach Amerika mit dem Commandeur-Capitän Bering, Sankt Petersburg 1793, uusegee vom Peter Simon Pallas (online)
P. Werner Lange: Zum Land hinter den Nebeln. Das Leben des Vitus Bering und die zwei Kamtschatka-Expeditionen, VEB F. A. Brockhaus Verlag, Leipzig 1985

Weblingg

Commons: Vitus Bering – Sammlig vo Multimediadateie

Bering uf dänisch, Universität Kopenhagen (dänisch)
Biografien, Chronos (russisch)

Fuessnoote

↑ Iidraag im Chillebuech vo dr Stadtgmäind Horsens (Unser Heilands Kirche, dänisch: Vor Frelsers Kirke). Im Chillebuech (Pagina 26) wird s Daufdatum mit 12. Sonntag noch dr Dreifaltigkäit im Joor 1681 aagee. Das entspricht em 21. August 1681 noch em Julianische Kaländer, wo denn z Dänemark brucht worde isch.

Dä Artikel basiert uff ere fräie Übersetzig vum Artikel „Vitus_Bering“ vu de dütsche Wikipedia. E Liste vu de Autore un Versione isch do z finde.

[1] Iidraag im Chillebuech vo dr Stadtgmäind Horsens (Unser Heilands Kirche, dänisch: Vor Frelsers Kirke). Im Chillebuech (Pagina 26) wird s Daufdatum mit 12. Sonntag noch dr Dreifaltigkäit im Joor 1681 aagee. Das entspricht em 21. August 1681 noch em Julianische Kaländer, wo denn z Dänemark brucht worde isch.

[1]