Olivien

Olivien

Forsteriet-Olivien
Formule	Mg₂SiO₄
Onsuiwerhede	Fe
Nickel-Strunz (10)	9.AC.05
Kleur	groen, liggeel, wit
Streep	wit
Glans	glasagtig
Hardheid	7 (Mohs)^[1]
Digtheid	3.275 g/cm3
Dubbelbreking	tweeassig (+)
RI-waardes	nα = 1.636 – 1.730 nβ = 1.650 – 1.739 nγ = 1.669 – 1.772
Kristalsisteem	ortorombies
Ruimtegroep	Pbnm
Strukturbericht-kode	S1₂
Eenheidsel	a = 4.754 Å, b = 10.1971 Å, c = 5.9806 Å

* Lys van minerale
Portaal Geologie

Olivien is 'n mineraal met samestelling (Fe,Mg)₂SiO₄. Dit is 'n nesosilikaat. Die eindlede van die mengreeks word forsteriet Mg₂SiO₄^[1] en fayaliet Fe₂SiO₄^[2] genoem en in Engels word dikwels die term Fayalite-Forsterite Series gebruik pleks van olivine.

Olivien is baie volop en een van die belangrikste minerale wat in achondriete aangetref word en S-tipe asteroïde soos 25143 Itokawa bevat dit.^[3] Kenmerkend vir komatiïet-lawas is hulle hoë smeltpunt en 'n spinifeks-tekstuur van olivien-kristalle.^[4] Olivien word op talle plekke in Suid-Afrika aangetref soos die Driekopmyn, Zondereindemyn en Zwartkopmyn in Limpopo of die Star-, Jagersfontein of Koffiefonteinmyn van Vrystaat. Dit word ook in meteoriete gevind soos die Molteno-, Malvern-, Benoni- of Macibinimeteoriete wat in Suid-Afrika geval het.^[5]

Struktuur

Olivien het 'n ortorombiese struktuur waarin losse SiO₄-tetraëders herken kan word. Dit is die argetipe van die S1₂-struktuur van die strukturbericht-klassifikasie. Tussen hierdie nesosilikaatgroepe is die metaalatome in twee verskillende kristallografiese posisies. Hulle is albei oktaëdriese maar M1 is kleiner as M2 en daar is aanwysings dat yster 'n voorkeur vir die kleiner oktaëder het, veral indien gedeeltelike oksidasie plaasvind en Fe₃ gevorm word pleks van Fe₃. Die elektriese geleiding is afhanklik van die suurstofaktiwiteit en geleiding vind veral in die c-rigting van die rooster plaas. Die termiese uitsetting by hoër temperatuur betref hoofsaaklik die metaal-suurstof-afstande; die silikaat-tetraëders bly amper onveranderd.^[6]>

Verwysings

↑ ^1,0 ^1,1 "mindat 1584" (in Engels). Geargiveer vanaf die oorspronklike op 20 Mei 2020.
↑ mindat 1458
↑ Intelligent Life in the Universe: Principles and Requirements Behind Its Emergence Peter Ulmschneider Springer Science & Business Media, 2005, ISBN 3-540-32838-6, ISBN 978-3-540-32838-4
↑ Early Precambrian Basic Magmatism R.P. Hall, D.J. Hughes Springer Science & Business Media, 2012, ISBN 9400903995, ISBN 9789400903999
↑ mindat 8658
↑ Die crystal structures of forsterite and hortonolite at several temperatures up to 900 oC Joseph R. Smyth, Robert M. Hazen American Mineralogist, 58, 588-593, 1973

[Forst-1] 1,0 ^1,1 "mindat 1584" (in Engels). Geargiveer vanaf die oorspronklike op 20 Mei 2020.

[2] t 1458

[3] Intelligent Life in the Universe: Principles and Requirements Behind Its Emergence Peter Ulmschneider Springer Science & Business Media, 2005, ISBN 3-540-32838-6, ISBN 978-3-540-32838-4

[4] Early Precambrian Basic Magmatism R.P. Hall, D.J. Hughes Springer Science & Business Media, 2012, ISBN 9400903995, ISBN 9789400903999

[5] t 8658

[6] Die crystal structures of forsterite and hortonolite at several temperatures up to 900 oC Joseph R. Smyth, Robert M. Hazen American Mineralogist, 58, 588-593, 1973

[1]