Orchestre de Paris
Orchestre de Paris | |
|---|---|
| Oorsprong | Parys, Frankryk |
| Genres | Klassiek |
| Beroep(e) | Simfonieorkes |
| Jare aktief | 1967 - hede |
| Assosiasies | Chœur de l'Orchestre de Paris |
| Webwerf | www.orchestredeparis.com |
| Lede | Musiekdirekteur Christoph Eschenbach Vokale aktiwiteite-adviseur Laurence Equilbey Koordirekteure Didier Bouture Geoffroy Jourdain |
| Gewese lede | Stigter Charles Münch |
Die Orchestre de Paris is 'n Franse orkes wat in 1967 gestig is en in Parys gebaseer is. Die huidige musiekdirekteur is Christoph Eschenbach. Die meeste konserte word by die Salle Pleyel gehou. In 1967, nadat die Orchestre de la Société des Concerts du Conservatoire se bestaan tot 'n einde gekom het, is die dirigent, Charles Münch, en sy musiekdirekteur, Marcel Landowski, deur die Minister van Kultuur, André Malraux gevra om 'n nuwe orkes in Parys te begin. Kort ná die stigting van die nuwe orkes het Münch in 1968 tot afsterwe gekom, en is Herbert von Karajan aangestel as 'n interim musiekadviseur van 1969 tot 1971. Opvolgende musiekdirekteure sluit in Sir Georg Solti, Daniel Barenboim, en Semyon Bychkov. Christoph von Dohnanyi het as adviseur gedien vir die tydperk van 1998 tot 2000.
Sedert 2000 is Christoph Eschenbach die orkes se musiekdirekteur gewees. Daar word voorspel dat sy pos in die 2009-2010-seisoen sal eindig, waarna Paavo Järvi in die begin van 2010 sal oorneem.
