Griekwaland-Oos

Griekwaland-Oos, oorspronklik bekend as Niemandsland omdat dit onbewoon was, was 'n distrik in noordoostelike deel van Kaapland, maar in 1978 is dit aan die destydse Natal, nou KwaZulu-Natal, oorgedra.

Nieuw Griqualand
Griekwaland-Oos

1862–1879 →
Vlag Wapen
Volkslied: Pro Rege Lege et Grege (Latyns: "Vir Koning, Regte en die volk")
Ligging van Griekwaland-Oos in Suider-Afrika (~1862–1879)
Hoofstad	Kokstad 30°33′S 29°25′O / 30.550°S 29.417°O / -30.550; 29.417
Taal/Tale	Afrikaans, Nederlands, Xhosa
Regering	Republiek
President	Adam Kok III
Wetgewer	Raad/Volksraad
Geskiedenis
- Anneksasie van Philippolis	1860
- Uitsetting as Niemandsland	1862
- Laager	1862
- Beweeg vanaf Berg Currie	1869
- Stigting van Kokstad	1872
- Britse anneksie	1879
- Oorlede van Adam Kok III	1875
Area	20 000 km2 7 722 sq mi
Bevolking
-  skatting	31 100
Digtheid	1,6 /km²  4 /sq mi
Geldeenheid	Tokens

In 1862 het sowat 2 000 Griekwas onder kaptein Adam Kok III hulle daar gaan vestig. Hulle het van Griekwastad af gekom, op Philippolis in die Vrystaat gewoon en toe deur Basoetoeland, nou Lesotho, getrek met die meeste van hul 20 000 stuks vee en 300 waens na dié onbewoonde maar vrugbare hoogland. Met hul hoofkwartier op Kokstad was die Griekwas deels onafhanklik en het papiergeld uitgereik (tans uiters skaars) in 1868 en ook munte, maar druk van nabygeleë swart stamme en van die naderende wit nedersetters was te sterk. In 1878 het Griekwaland-Oos deel van die Kaapkolonie geword en is dit onder 'n magistraat geplaas, wat die orde help herstel het. Die "Oos" is aangelas om die distrik te onderskei van Griekwaland-Wes rondom Kimberley.

In 1880 het die Griekwas in opstand gekom, maar sedertdien het die gebied vooruitgegaan en het uiteindelik een van Suid-Afrika se belangrikste suiwel- en beesgebiede geword.